Cymdeithas Tai Bro Myrddin yn Cymdeithas Elusennol

Ymholiadau:info@bromyrddin.co.uk | Rhif Ff�n: 01267 232714

Cymdeithas Tai

Cyngor Sir Gaerfyrddin

Local councillors or board members of housing associations are not involved in offering housing

Cofrestr Cydgyfnewid Sir Gaerfyrddin 

Os ydych yn byw mewn tŷ cymdeithasol ar hyn o bryd ac eisiau cyfnewid eich cartref er mwyn byw mewn tŷ maint gwahanol neu mewn ardal wahanol yna gallai Cydgyfnewid eich helpu chi.

Mae cydgyfnewid yn caniatáu i denant y Cyngor neu denant Cymdeithas Tai gyfnewid eu cartref am gartref tenant arall. Rhaid i’r holl landlordiaid gytuno cyn i’r cyfnewid fynd yn ei flaen.

Yn ddiweddar, rydym wedi dod yn bartneriaid gyda HomeSwapper sy’n gweithredu cynllun cyfnewid cartrefi cenedlaethol ar y we. Gallwch gofrestru gyda Home Swapper yn hawdd, drwy glicio ar y linc uchod. Mae’r gwasanaeth yn rhad ac am ddim i denantiaid Bro Myrddin, Cyngor Sir Caerfyrddin a’n Cymdeithasau tai partner.

Unwaith i chi gofrestru byddwch yn derbyn manylion unrhyw opsiynau cyfnewid posib drwy e-bost neu ar y ffôn symudol. Bydd rhestr ar bapur o gyfnewidiadau posib hefyd yn cael ei chadw yn ein swyddfeydd ac yng Nghanolfannau Gwasanaeth Cwsmeriaid Cyngor Sir Caerfyrddin yn Rhydaman, Caerfyrddin a Llanelli.

Darganfod Cyfnewid Posibl

Pan fyddwch yn darganfod ty y mae gennych ddiddordeb ynddo bydd angen i chi drefnu ymweliad. Os ydych am barhau wedi gweld cartrefi eich gilydd, y cam nesaf yw cwblhau ffurflen cyd gyfnewid ar gyfer eich cartref.

Pwy all wneud cais am Gydgyfnewid?

Gall holl denantiaid y Cyngor a’r Cymdeithasai Tai, sydd â thenantiaethau diogel a’r rhan fwyaf o denantiaid Cymdeithas Tai sydd â thenantiaethau sicr, wneud cais i gyfnewid eu llety.

Yn anffodus, ni chaniateir cydgyfnewid rhwng tenantiaid mewn llety sy’n cael ei brydlesu neu sy’n cael ei rentu’n breifat. Rhaid i bob tenant wneud cais a derbyn caniatâd oddi wrth eu landlord(iaid) priodol cyn parhau gyda chyfnewid.

Pam fod rhaid i mi gael caniatâd cyn cyfnewid fy llety?

Yn gyntaf, chi sy’n gyfreithiol gyfrifol am eich cartref ac am dalu’r rhent mewn da bryd. Mae’n ofynnol i chi gadw at y Cytundeb Tenantiaeth ac ni ddylid cyfnewid neu drosglwyddo eich Tenantiaeth heb ganiatâd y Cyngor neu Gymdeithas Tai. Bydd y Cyngor/Cymdeithas Tai yn cymryd achos cyfreithiol yn eich erbyn os byddwch yn cyfnewid eich llety heb ganiatâd.

Yn ail, cyn rhoi caniatâd i gyfnewid, rhaid i’r Cyngor a Chymdeithasau Tai sicrhau bod y tenantiaid yn cwrdd â rhai amodau:

• Dylai fod gan bob tenant gyfrif rhent clir
• Dylai pob tenant fod yn symud i gartref o’r maint cywir ar gyfer eu hanghenion tai

A fydd gwneud cais am Gydgyfnewid yn effeithio ar fy nghais am drosglwyddiad?

Na, ni fydd gwneud cais i gyfnewid yn effeithio eich cais ar gyfer trosglwyddiad. Fe all, fodd bynnag, gynyddu eich siawns o symud.

Beth os nad oes gen i unrhyw flaenoriaeth ar gyfer trosglwyddiad? Oes dal modd i mi wneud cais am Gydgyfnewid ?

Oes. Mantais cydgyfnewid yw nad yw’r symud wedi selio ar anghenion tai, gan roi cyfle i bob tenant gael trosglwyddiad felly.

Gwybodaeth ddefnyddiol arall

Dylai tenantiaid y Cyngor fod yn ymwybodol os ydynt eisiau cyfnewid cartref gyda thenant Cymdeithas Tai yna maent yn rhoi’r gorau i’w hawliau tenantiaeth diogel.

Cyn cytuno i gyfnewid, dylech ddarllen cytundeb tenantiaeth y llall yn fanwl oherwydd eich bod yn derbyn eu tenantiaeth hwy a all olygu derbyn hawliau a chyfrifoldebau gwahanol. Os ydych yn ansicr o amodau eich tenantiaeth newydd gofynnwch i’r swyddog tai neu chwiliwch am gyngor cyfreithiol.

Mae’n hanfodol nad ydych yn symud nes i’r Cyngor/Cymdeithas Tai roi caniatâd ysgrifenedig. Bydd rhaid i denantiaid sy’n symud heb ganiatâd symud yn ôl.

Fe’ch cynghorir i ymweld, o leiaf un waith, gyda’r tŷ yr ydych yn meddwl cyfnewid iddo, yn enwedig er mwyn edrych ar gyflwr y tŷ a’i ddarnau gosod a gosodiadau. Cofiwch, pan fyddwch yn cyfnewid, y byddwch yn derbyn y tŷ fel y mae. Bydd Bro Myrddin ond yn cwblhau’r atgyweiriadau sy’n orfodol i’r landlord wneud.

Unwaith i’r cydgyfnewid gael ei gymeradwyo, bydd yn ofynnol i’r ddwy ochr gadarnhau yn ysgrifenedig eu bod yn derbyn y tŷ fel y mae o’r dyddiad tenantiaeth a fydd yn cael ei benderfynu.